بسم الله الرحمن الرحيـم
النهاردة يوم تاريخـى بالنسبة لى الصراحة .. لانى بفتتح المدونة بتاعتشى :D
و بتاعتى بقى يعنى هظييط فيها براحتى و اقول كل اللى نفسى فيه ..
بصراحه مش عارفة ابدأ منيــن ..
# محمود سعد ستايل :D
النهـاردة بكتب أول بوست ليـا فى البلوج ده يا رب بس ميكنش الأخيــر ..
فكنت بفكـر ممكن اكتب اييه .. فاكتشفت انو مبدئياً فكـرة فاشلة اوى انى اتكلم عن نفسى ..
يعنـى الناس هتمل .. ده غير انو مفيش حاجة اكتبها عن نفسى اصلاً !! ..
ففكـرت أشوف انا عاملة المدونة دى ليـه أصلاً ؟؟
لقيت لانوو انا بحب الكتابة .. نفسى اشتغل فيها .. و ادينى بشوف اهوو انفع و لا لأ
كمـان حتى لو منفعتش .. مقتنعـة انوو كل واحـد لازم يعبر عن نفسه و يعبر عن رأيه ..
يعبر عن رأيه ليه ؟؟
لانوو أنـا موجـودة و واعية للبيحصل حواليا و لازم يكون ليا رأى فيـه و لازم اعبر عن الرأى ده ..
طب و ليه عن نفسه ؟
لانو ربنا خلق لكل واحد فينا حاجة جواه مش موجودة عند غيره .. فى اللى محظوظ و بيكتشفها و فى اللى مش بيعرفها اصلا بس لازم برضوو البنى ادم يحاول يعبر عن الحاجة اللى جواه دى .. اكيد ليها لازمة ممكن مكونش عارفة فى ايه بس ليها لازمة =)
طب هكتب عن ايه بقى ؟؟
عن اى حاجة و كل حاجة بصراحه .. اللى جوه المدونة زى اسمها كده زى ما انا شايفة الحياة >> لخبطـة
حاجات كتيرة اوى اوى و ملهاش علاقة ببعض و مش منطقية ..
شغلتنا بقى نحاول نربطها ببعض (( ده لو عرفنا ))
و الأهمـ اننا منتوهش فى وسط اللخبطـة دى ...
.
.
حضرتك بقى (( اللى بتقرأ الكلام ده دلوقتى ))
مش عارفة هيكون رأيك فى كـلامى ايه .. لو عجبك اكييد هبقى مبسوطة لو حسيت انى وصلت اى فكرة و لو بسيطة لاى حد ..
اما بقى لو اتنفخت منى او معجبكش :D .. فنصيحتى متضيعش وقتك على كلام مش عاجبك ..
يــلا ع البركة =)
